شباب وبنات كوول
اهلاً بك,انت مش مسجل عندنا فممكن تسجل
وتشارك معانا في شباب وبنات كول بالمواضيع والردود الجامدة
وإنشاء الله تستمتعوا معنا في شباب وبنات كوول
شباب وبنات كوول
اهلاً بك,انت مش مسجل عندنا فممكن تسجل
وتشارك معانا في شباب وبنات كول بالمواضيع والردود الجامدة
وإنشاء الله تستمتعوا معنا في شباب وبنات كوول
شباب وبنات كوول
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالبوابةأحدث الصورالتسجيلدخول

 

 عريس من النت !!!!!الجزء التاني ....,

اذهب الى الأسفل 
كاتب الموضوعرسالة
eimy-angel
عضو مجتهد
عضو مجتهد
eimy-angel


عدد الرسائل : 75
العمر : 30
تاريخ التسجيل : 16/07/2009

عريس من النت !!!!!الجزء التاني ...., Empty
مُساهمةموضوع: عريس من النت !!!!!الجزء التاني ....,   عريس من النت !!!!!الجزء التاني ...., Emptyالجمعة يوليو 24, 2009 7:45 am

عفاف: يا ماما افهينى عشان خاطرى000العريس دة لقطة ومافيش زيه فى النت!0000أنا حبيته من كتاباته 000أهو جالى عريس ومع كدة ماما مش عاجبها

العنتبلى: أكيد مش عاجبها عشان جاهلة!0000 سيبك منها وقوليلى إيه الحك******؟

عفاف: فى واحد طلب إيدى عن طريق النت وقالى إنه جاد فى طلبه ومستعد ييجى فى أى وقت

العنتبلى: عال عال! 0000وإيه كمان؟!

عفاف: يعنى انت مش معارض يا بابا؟

العنتبلى: وأعارض ليه يا بنتى هو أنا أيمن نور؟!!! دة حتى اتسجن أعمل زيه؟!

عفاف(فى فرح):طب أرد عليه أقوله إيه؟

العنتبلى: على أيمن؟!!!!!!!!!

عفاف:لا لا يا بابا أنا قصدى حاتم!

العنتبلى(بصوت خشن): حاتم ميييييين؟

عفاف: العريس يا بابا!

العنتبلى: آآآه مش تقولى كدة من الصبح000قوليلى الأول هو بيكتب فى أنهى صفحة؟!

عفاف: ياااه يا بابا0000دة بيكتب فى صفحات كتيرة قوى!

العنتبلى: عظيم!00000وياترى هو مشهور000يعنى الناس تعرفه؟

عفاف: أكيد يا بابا دة معروف جدا فى المنتديات

العنتبلى: فين ياختى؟!!!!

عفاف: فى المنتديات يا بابا

العنتبلى: ودى تطلع إيه دى كمان؟!

عفاف:دى صفحات عالنت يا بابا بتجمع أعضاء كتير وبيتكلموا فى مواضيع كتير

العنتبلى: يابت سيبك من النحوى دة وكلمينى كلام أفهمه!

عفاف(فى سرها):بقى دة نحوى ياعالم!

عفاف: حاضر يا بابا0000المنتديات دى زى000زى 000آه زى قعدة المصطبة كدة! كل مجموعة واخدالها ركن وعمالين يتكلموا فى حاجة معينة وبيبقى لها شروط وقوانين معينة وكدة يعنى

العنتبلى: آآآه فهمت000يعنى زى سوق العجول كدة!

عفاف(وقد فاض بها): عجول إيه بس يابا ؟!!!! بقى المنتدى زى سوق العجول؟!!!!!!

العنتبلى: جرا إيه يا بت 000مش عاجباكى العجول يا بنت عواطف؟! مش العجول دى الى بناكل منها عيش وربتك انتى واخواتك لغ****** ما كبرتى وبقيتى عجلة زى أمك؟!!!!!!

عفاف: طيب خلاص يا بابا 000المهم انه مشهور000مشهور قوى !

العنتبلى:طيب نيجى للمهم بقى0000هو عرفك منين؟!

شعرت عفاف بالرعب من السؤال فأجابك بسرعة

عفاف: لا يا بابا اوعى تفهمنى غلط0000والله ما شافنى ولا مرة حتى فى أى حتة!

العنتبلى: ماطبعا يا بنتى لأنه لو كان شافك مكانشى اتقدم أصلا!!!!

عفاف: وبعدين معاك بقى يا بابا! هو أنا وحشة قوى كدة؟

العنتبلى(مبتسما إبتسامة صفراء): يابت بضحك معاكى!000انتى زى القمر بس عيبك الوحيد انك شبه أمك!

الأم: جرالك إيه يا راجل إنت ما تتعدل فى الكلام أحسلّلك!

العنتبلى: احم احم000كنا بنقول إيه يا عفاف؟!

عفاف: كنت بتسألنى هو عرفنى منين0000عموما هو عرفنى من النت واتقدملى عن طريق النت وإن شاء الله لو وافقتم هييجى يتقدملى على طول

العنتبلى:وماله يا بنتى خليه ييجى0000عرفك من النت عرفك من السلخانة! مش فارقة المهم انه وقع على بوذه!!!!

عفاف(فى سرها): ياخوفى من ألفاظكم دى الى تطفش 100 عريس مش عريس واحد!

العنتبلى: قوليله ييجى يوم الجمعة بعد العصر

عفاف(مسرورة): حاضر يا بابا هقوله حالا

ودخلت مسرعة إلى حجرتها فاستعجب المعلم حلاوة العنتبلى وسألها

العنتبلى: هتعملى إيه يا بت؟!

عفاف: هقوله يا بابا

العنتبلى: انتى يا بت أخذتى التليفون عندك؟!

عفاف: لا يا بابا أبدا

العنتبلى: امال هتقوليله إزاى من عندك؟

عفاف: هبعتله إيميل

صرخ الأب فجأة بصوت مزعج وعالى!


وإيه الى جاب الواد إيميل عندك فى الأوضة؟!!!!

عفاف: يا بابا اهدى إيميل مين بس دة الى عندى! أنا أقصد هبعتله جواب عالنت!

تذكر العنتبلى حواره مع زينهم والورق الذى يدخل من خلف الشاشة! فقال

آه 000أنا بحسب!00المهم بلغيه بالميعاد

وقبل أن يغادر إلتفت إليها قائلا

بقولك إيه يا عفاف 000بعد ما تكتبى الجواب حطيه بالر****** عشان الشاشة ما تنفجرشى!!!!!!!


تابعته عفاف بنظرات الدهشة والحيرة وهى تقول فى نفسها

أحط إيه وشاشة إيه دى الى هتنفجر؟!


فى اليوم المحدد أتى العريس أنيقا مهتما بنفسه بشكل ملحوظ وذو رائحة طيبة وفى أبهى صورة واستبشر الجميع خيرا إلا أنه كما تعلمون هناك سوء تفاهم رهيب!

فالأم تعرف أنه طالب فى كلية محترمة والأب يظنه صحفى مشهور! وعفاف مرعوبة من طريقة تعامل الوالدين مع العريس خاصة والدها كما أن المفاجأة غير المتوقعة أن العريس جاء بمفرده!

ترى ماذا يحدث؟

نشوف في الجزء الثالت والاخير
الرجوع الى أعلى الصفحة اذهب الى الأسفل
 
عريس من النت !!!!!الجزء التاني ....,
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
شباب وبنات كوول :: المنتديات العامة :: المنتدى العام-
انتقل الى: